Now Reading: कारागृहात नऊशे सीसीटीव्ही कॅमेरे ; तरी सुद्धा टोळी युद्धाच्या घटना
-
01
कारागृहात नऊशे सीसीटीव्ही कॅमेरे ; तरी सुद्धा टोळी युद्धाच्या घटना
कारागृहात नऊशे सीसीटीव्ही कॅमेरे ; तरी सुद्धा टोळी युद्धाच्या घटना
कारागृहात नऊशे सीसीटीव्ही कॅमेरे ; तरी सुद्धा टोळी युद्धाच्या घटनाकारागृहावर लक्ष ठेवण्यासाठी खरेदी केलेल्या ड्रोनचा प्रयोग फसला
येरवडा मध्यवर्ती कारागृह हे आशिया खंडातील दुसरे मोठे कारागृह आहे. हे कारागृह अतिशय सुरक्षित समजले जाते. मात्र गेल्या काही वर्षांपूर्वी दहशतवादी कातिल सिद्दीकीचा खून या कारागृहात झाला आहे. कारागृहात अनेक टोळीयुद्ध होतात. यामध्ये अनेक जण गंभीर जखमी होतात. आता कारागृहात तब्बल नऊशे सीसीटीव्ही कॅमेरे लावलेले आहेत. राज्यातील येरवडा कारागृहावर ड्रोनच्या माध्यमातून लक्ष ठेवण्यासाठी मोठा गाजावाजा करून ड्रोन खरेदी केले होते. मात्र हा प्रयोग फसला असल्याचे दिसून येते. कारण गेल्या वर्षी खरेदी केलेल्या ड्रोनचे उड्डाणच झाले नाही.पुणे : येरवडा मध्यवर्ती कारागृहासह राज्यातील सहा मध्यवर्ती कारागृहात दोन हजार ३९४ सीसीटीव्ही कॅमेरे बसविण्यात आले आहेत. तर इतर दहा कारागृहांमध्ये तीन हजार ८२२ सीसीटीव्ही कॅमेरे बसविण्याचे काम सुरू आहे. तरी सुद्धा कारागृहातील मनुष्यबळ कमी असल्यामुळे कैद्यांवर नियंत्रण ठेवण्यावर मर्यादा येतात. कॅमेरे जरी असले तरी एकाद्या वेळी कैद्यांमध्ये भांडण झाले तर त्यांच्यापर्यंत पोहचण्यासाठी मनुष्यबळ आवश्‍यक आहे. कारागृहातील शेकडो तुरूंग रक्षकांच्या जागा रिक्त आहेत. तर प्रत्येक कारागृहात डझनभर तुरूंगाधिकाऱ्यांच्या जागा रिक्त असल्याचे म्हणणे कारागृह प्रशासनाचे आहे.
सीसीटीव्ही कॅमेऱ्याचा तीन महिने बॅकअप
राज्यातील कारागृहात बसविण्यात आलेले सीसीटीव्ही कॅमेऱ्यांची एकुण किंमत २३ कोटी रूपये आहे. तर दुसऱ्या टप्प्यातील कॅमेऱ्यांची किंमत ६७ कोटी रूपये आहे. कॅमेऱ्यांचा बॅकअप तीन महिन्यांचा आहे. तर कॅमेरे ज्या संस्थेने बसविले आहेत ती संस्था पुढील पाच वर्ष सर्व कॅमेऱ्यांची देखभाल व दुरूस्ती करणार आहे.
