गॅस सिलेंडरच्या वितरकांकडे तोलन उपकरणेच नाहीत 

येरवडा : शहरातील सर्वच सिलिंडर वितरकांकडे अपुरे मनुष्यबळ, गॅस सिलिंडरची मोठी संख्या, दिवसभरात जास्तीत जास्त सिलिंडर पोचविण्याचे उद्दिष्ट त्यामुळे सिलिंडर तोलन न करताच ग्राहकांना मिळत आहे. त्यामुळे सिलेंडरमध्ये गॅस किती वजनाचा आहे, हे कळत नसल्याच्या तक्रारी नागरिकांनी केल्या आहेत. अनेक गॅस वितरकांनी त्यांच्या कार्यालयातील तोलन काटे कपाटात ठेवले आहेत.तर गेली अनेक वर्षांपासून मुद्रांकन व तपासणीच करून घेतली नसल्याची माहिती समोर आली आहे. शहरात भारत व हिदुस्तान पेट्रोलियम कंपनीसह इंडेन कंपनीचे गॅस सिलेंडर वितरक आहेत. वितरक अनेक ठिकाणी होम डिलीव्हरी करतात. मात्र त्यांच्या कर्मचाऱ्यांकडे तोलन उपकरणेच नसल्याच्या तक्रारी नागरीकांनी केल्या आहेत. त्यामुळे सिलेंडरमध्ये अचून वजनाचे गॅस असल्याची खात्री देता येत नसल्याचे त्यांचे म्हणणे आहे. तर कित्येक ग्राहकांना गॅस सिलेंडर वजन करून घेतले जाते याची माहितीच नाही.

वैधन मापन शास्त्र विभागाच्या कायद्या प्रमाणे तोलन उपकरणांची तपासणी व मुद्रांकन न केल्यास त्यांच्यावर खटला दाखल होऊ शकतो. तसेच वितरकांकडे तोलन यंत्र नसल्यास त्यांच्यावर पाच हजार रूपये दंडाची कारवाई होऊ शकते.मात्र अनेक वितरकांकडील तोलनयंत्र कपाटात ठेवले आहेत. तर अनेकांनी ही तोलन यंत्रांची पडताळणी व मुद्रांकनच करून घेतले नसल्याचे दिसून येत. तर शहरातील गॅस सिलिंडरची संख्या आणि वितरण करणाऱ्यां कर्मचाऱ्यांना मिळणारे वेतन पाहता प्रत्येक ग्राहकाला सिलिंडर तोलन करून देणे मोठ्या कष्टाचे काम असल्याचे मत वितरण करणाऱ्या कर्मचाऱ्यांनी सांगितले.

 गॅस सिलेंडर वजन करून देणे बंधनकारक आहे.