ॲड. असुंता पारधे, बी.ए., एल.एल.बी. चेतना महिला विकास केंद्राच्या मुख्य कार्यकारी अधिकारी

ॲड. असुंता पारधे, बी.ए., एल.एल.बी. चेतना महिला विकास केंद्राच्या मुख्य कार्यकारी अधिकारी

ॲड. असुंता पारधे , बी.ए., एल.एल.बी., या गेली बावीस वर्षांपासून सक्रिय सामाजिक कार्यात कार्यरत असून चेतना
महिला विकास केंद्राच्या मुख्य कार्यकारी अधिकारी आहेत. स्वयंसहायता गटांची निर्मिती, लिंग समानता, चांगले
शासन, सांप्रदायिक सलोखा, सामाजिक उद्योजकता, ट्रॉमा केअर, कार्यस्थळी लैंगिक छळ प्रकरणे, कौटुंबिक हिंसा,
महिला, बालक आणि ज्येष्ठ नागरिकांच्या हक्कांसाठी कायदेशीर मदत तसेच ग्रामीण व शहरी भागात कायदेविषयक
जनजागृती या क्षेत्रांत त्यांना विशेष प्राविण्य आहे. महिलांसाठी सूक्ष्म वित्त योजना राबविणे, लिंग समानतेसाठी व
महिलांविरुद्धच्या हिंसाचाराविरुद्ध समुदाय व गावपातळीवरील सहाय्य गट उभारणे आणि विविध कायद्याविषयक
प्रशिक्षण देणे यात त्यांनी उल्लेखनीय कार्य केले आहे.
त्या वुमन वेल्फेअर सेंटर, चेतना महिला विकास केंद्र, पुना डायोसिसन सोशल सर्व्हिस सोसायटी, कोकण विकास
समन्वय व्यासपीठ आणि इश्वरी सहकारी संस्था यांसारख्या संस्थांच्या संस्थापक सदस्य असून राज्य व राष्ट्रीय
स्तरावरील विविध समित्यांमध्ये लैंगिक छळ, कौटुंबिक हिंसा, पीसीपीएनडीटी कायदा आणि एक-स्टॉप सेंटर अशा
विषयांवर महत्त्वपूर्ण भूमिका बजावली आहे. महिला आणि कायदा, मानवी हक्क, कौटुंबिक हिंसा प्रतिबंध, सूक्ष्म वित्त
योजना, युवक व किशोरी विकास, लिंग संवेदनशीलता, चांगले शासन, सांप्रदायिक सलोखा आदी विषयांवर महाराष्ट्र,
छत्तीसगड, मध्य प्रदेश या राज्यांतील पोलिस, वकील, सामाजिक कार्यकर्ते, संरक्षण अधिकारी, विद्यार्थी व स्वयंसेवी
संस्था यांना त्यांनी प्रशिक्षण दिले आहे.
त्यांच्या कार्यामध्ये कौटुंबिक हिंसा प्रतिबंध अधिनियम 2005 च्या प्रभावी अंमलबजावणीसाठी याचिका दाखल करणे,

प्रशिक्षणांचे आयोजन करणे, 125 हून अधिक समुदाय सहाय्य गटांची स्थापना, महिलांसाठी 1300 हून अधिक
उद्योजकतेची निर्मिती, पूरपरिस्थितीत मदतकार्य व घरबांधणी प्रकल्प राबविणे, सांप्रदायिक सलोखा प्रस्थापित
करण्यासाठी शांतीदूतांचे प्रशिक्षण, मुलींच्या विवाहाचे वय वाढविण्यासाठी व शिक्षणासाठी शिष्यवृत्ती उपलब्ध करणे,
बालकांचे पुनर्वसन, दत्तक प्रक्रिया, पीडित मुलांना न्याय मिळवून देणे तसेच ज्येष्ठ नागरिकांसाठी कायदेशीर मदत व
देखभाल सेवा यांचा समावेश आहे.
या सर्व उल्लेखनीय कार्याची दखल घेत महिला व बालविकास विभाग, पुणे महानगरपालिका, कौटुंबिक न्यायालय
तसेच विविध संस्थांनी त्यांचा सन्मान केला आहे. या उल्लेखनीय कार्याची दखल घेऊन दैनिक महा मेट्रो तर्फे त्यांना
सन्मानित करण्यात आले आहे.