भारतरत्न अटल बिहारी वाजपेयी वैद्यकीय महाविदयालयातील डॉक्टरांचे काम न करता पगार

भारतरत्न अटल बिहारी वाजपेयी वैद्यकीय महाविदयालयातील डॉक्टरांचे काम न करता पगार

महापालिकेचे कोट्यवधी रुपये खर्च मात्र कमला नेहरू रुग्णालयाला काहीच उपयोग नाही

पुणे : पुणे महापालिकेचे मंगळवार पेठेत भारतरत्न अटलबिहारी वाजपेयी वैद्यकीय महाविदयालयातील आहे. याच ठिकाणी महापालिकेचे कमला नेहरू रुग्णालय आहे. वाजपेयी वैद्यकीय महाविदयालयाचे पाचवे वर्ष आहे. या वैद्यकीय महाविदयालयात तब्बल ५०० विद्यार्थी आहेत. तर पाचशेच्या वर डॉक्टरां पासून ते शिपाई कर्मचारी आहेत. यातील काही विभागातील डॉक्टरांनी कमला नेहरू रुग्णालयालात रूग्णांना सेवा देणे अपेक्षित आहे. मात्र अनेक जण रूग्णालयात सेवाच दे नाहीत. त्यामुळे या डझनभर डॅाक्टरांचा पगार काढू नये असे पत्र कमला नेहरू रूग्णालयाचे अधिक्षक डॅा प्रशांत बोते यांनी महापालिकेच्या आरोग्यप्रमुखांना दिले आहे.

राज्यातील अनेक महापालिकेत वैद्यकीय महाविद्यालये होती. त्यामुळे पुणे महापालिकेच्या मालकीचे वैद्यकीय महाविद्यालय असावे अशी मागणी होत होती. त्यामुळे महापालिकेने अनेक वर्षांनंतर  २०२० मध्ये  भारतरत्न अटलबिहारी वाजपेयी वैद्यकीय महाविदयालय सुरू करण्यात आले. या वैद्यकीय महाविद्यालय पाचशेच्या वर पदे आहेत. तब्बल २२ विभाग आहेत. यातील चौदा विभागातील डॅाक्टरांनी शेजारीच असलेल्या कमला नेहरू रूग्णालयात रूग्णांना सेवा देणे अपेक्षित आहेत. मात्र अनेक डॅाक्टर नेहरू रूग्णालयात फिरकतच नाहीत. त्यामुळे बोते यांनी या डॅाक्टरांचा पगार काढू नका अशी विनंती आरोग्य प्रमुखांना केली आहे.

हा केवळ डॅाक्टरांचा प्रश्न नाही तर अनेकजण रूग्णालयात हजेरी लावून बाहेर पडतात. तज्ज्ञ डॅाक्टरांना दोन लाख, सहायक डॅाक्टरांना एक सव्वा लाख तर इतरांना साठ ते सत्तर हजार पगार आहे. मात्र काम काहीच नाही असा प्रकार आहे.यावर कोणीच ब्र काढत नसल्याचे दिसून येते.